وتقريباً نفس اللون

http://www.hartz4u.com/up/upload/6bros_mONR8wYoY.JPG

بس لو اللون موحد وغامق مثل لون الباب بتكون افضل
و خلك من التصاميم الغربيه هههههههههههه

http://www.different-des.com

لأنه ما اعجبني طريقة عرض وبيع الاثاث عند ايكيا، لأن الطريقة متعبه جداً.
إذا تبي تشتري شي من عندهم:
تسافر من المناطق الشمالية لمدينة الرياض أو من وسطه تقريباً 120 كيلو متر (رايح جاي) مع ما في ذلك من زحمة سير.
عندما تصل الى مقرهم الجديد على الدايري الشرقي وتدخل المواقف حقتهم تقعد تلف وتدور علشان دورلك موقف قريب من بوابة الدخول.
اذا دخلت السوق يجبرونك على السير باتجاه معين صعودا ونزولا حتى ترى كل المعروضات التي لديهم وتاخذلك ورقة وتقعد تسجل رقم الصف والعامود “المكان” الموجد فيه السلعه التي ترغب شراءها بعد ذلك، اذا كنت لا ترغب بشراء أي شي آخر، تجي المشكلة إقعد زاحم في هالعالم الموجودين بالسوق لين توصل المستودع الي تحت ثم خذ عربيه سطحة ورح للكونتر وعطه الورقة ثم انتظر حتى يقوم بتنزيل القطع من الادراج وتحميلها على العربيه “الترولي” ثم يله اقعد دف لا تدف لين توصل للمحاسب.
حاسبت وخلصت يله دف لا تدف لين توصل لرصيف التحميل حط عربيتك عند واحد من العمال الي برا ثم اذهب لإحضار السيارة، والي كد جرب يعرف وش فيها من احراج وزحمة عند رصيف التحميل خصوصاً اذا كان معك عايلة يعني “البزران وإمهم”.
اذا رحت البيت في شمال الرياض “خارج الدايري” وحصلت الالوان مختلفه مثل ما حصل مع اخونا/ رشيد بصراحة مانيب راجع علشان أغيير القطع المختلفة، خصوصاً اذا كانت المسئله طاولة شاهي أو كمبيوتر
السوئال الي يطرح نفسه ليش ايكيا مصعبين طريقة الشراء، ليش ما تكون الطريقة على شكل كونترات تروح للموظف بالدور الارضي وتقوله وش ودك تشتري يقوم يوريك كل الانواع الي عندهم اما بالكاتلوج أو بالكمبيوتر ثم بعد الاختيار ودفع الثمن يقومون هم بالتوصيل إلى مقر العميل مثلهم مثل غيرهم.

يا عمي انا وزني 120 كيلوجرام
احسن لي وللي مثلي
يروحون للأسواق القريبه منهم ويشتري وهو مرتاح مع التوصيل والتركيب.

مره رحت لهيبرباندا ،،، وقفت السيارة بالجههة الشرقية في المواقف الي تحت.
أهييييييييييييي،،،، مشيت لين وصلت السوق فوق، لين ظهري ورجليني وجسمي كله مكسر ماقدر امشي متر واحد، جلست ريحت شوي لين راح التعب، ثم رجعت للسيارتي. ليش
عرفت من كبر السوق انه يحتاجلي سيارة علشان ادور بالهيبر باندا

عموما ،،،،، مبروك الطاولة المشكلة.